БАЙГАЛЬ ОРЧИН
АЯЛАЛ ЖУУЛЧЛАЛЫН ГАЗАР

Цаг үеийн мэдээ, мэдээлэл

"МЭДЭЭЛЛИЙН ЦАГ" ЗОХИОН БАЙГУУЛЛАА

2023-06-20

Байгаль орчин, аялал жуулчлалын газрын албан хаагчид "Боловсролын чанар, хүртээмжийг дэмжих жил"-ийн хүрээнд ээлжит мэдээллийн цагаараа "Бага насны хүүхдийн цахим хэрэглээ, донтолтоос урьдчилан сэргийлэх нь", "Энергийн менежмент" сургалт зохион байгууллаа.

ХУУЛЬ БУС АНГААС СЭРГИЙЛЬЕ

2023-06-16

Эрүүгийн хуулийн 24.5 дугаар зүйл: Хууль бусаар ан агнах1. Улсын тусгай хамгаалалттай газар нутагт зөвшөөрөлгүйгээр амьтан агнасан, барьсан, эсхүл ховор амьтныг тусгай зөвшөөрөлгүйгээр агнасан, барьсан, зориудаар тэжээж гаршуулсан, үржүүлсэн, тэдгээрийн гаралтай түүхий эдийн зүйлийг хадгалсан, худалдсан, худалдан авсан, тээвэрлэсэн, гадаад улсад гаргасан, ховор амьтны чихмэл, эд, эрхтэн, тэдгээрийн гаралтай түүхий эдийн цуглуулга хийсэн бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ

БАЙГАЛЬ ХАМГААЛАГЧДЫН 2 ДУГААР УЛИРЛЫН СУРГАЛТ ЗОХИОН БАЙГУУЛЛАА

2023-06-16

Байгууллагын сургалтын төлөвлөгөөний дагуу улс, орон нутгийн тусгай хамгаалалттай газар нутгийн байгаль хамгаалагч нарын 2 дугаар улирлын сургалт 06 дугаар сарын 13-14-ний өдрүүдэд зохион байгууллаа.

НЭЭЛТТЭЙ АЖЛЫН БАЙРНЫ МЭДЭЭЛЭЛ ХИЙЛЭЭ

2023-06-07

Аялал жуулчлалын чиглэлээр үйл ажиллагаа явуулдаг "Онги-Энерги", "Эрдэнэ-Ухаа" жуулчны бааз, "Бүрд" зочид буудал, ресторанд байгаа сул орон тооны талаар мэдээллийг Политехникийн коллежийн оюутнуудад хийлээ.

ЭХ ДЭЛХИЙГЭЭ АЮУЛТАЙ ХОГ ХАЯГДЛААС АВАРСАН БААТРУУДДАА ДАХИН БАЯР ХҮРГЭЕ

2023-06-07

Аюултай хог хаягдал болох бүх төрлийн хаягдал зай/батарей/, ашиглалтгүй бүх төрлийн гар утас, повер банк, чихэвч, цэнэглэгч, жижиг зайт төхөөрөмжүүд, антибиотик, эм бэлдмэл хаягдлыг цуглуулах дадал суулгах зорилготой "Гэрэлт ирээдүйн төлөө аюулыг авдарлая Дундговьд" уралдааныг Аймгийн Засаг даргын тамгын газар, Байгаль орчин, аялал жуулчлалын газар хамтран аймгийн 15 сумын Ерөнхий боловсролын сургуулиудын дунд зохион байгууллаа

МОД ТАРИХ ӨДРҮҮД ҮРГЭЛЖИЛСЭЭР

2023-05-24

Та 5 дугаар сард амжиж заавал мод тариарай. Тарьсан модоо ч бас эргээрэй. Тарьж, ургуулж, арчилж хэвшицгээе.Мод ургамал нь агаарын чийгшлийг 4-7% ихэсгэдэг байна.Мод нь дуу чимээ намсгахын дээр зуны улиралд шороо тоосны 50% өвлийн улиралд 40% -ийг өөртөө шингээж агаар цэвэрлэдэг байна.

МОД ТАРИХ ӨДРҮҮД ҮРГЭЛЖИЛСЭЭР

2023-05-24

Та 5 дугаар сард амжиж заавал мод тариарай. Тарьсан модоо ч бас эргээрэй. Тарьж, ургуулж, арчилж хэвшицгээе.Мод ургамал нь агаарын чийгшлийг 4-7% ихэсгэдэг байна.Мод нь дуу чимээ намсгахын дээр зуны улиралд шороо тоосны 50% өвлийн улиралд 40% -ийг өөртөө шингээж агаар цэвэрлэдэг байна.

ҮЗЭСГЭЛЭН ХУДАЛДАА АМЖИЛТТАЙ ӨНДӨРЛӨЛӨӨ

2023-05-17

Монгол Улсын Ерөнхийлөгчийн санаачилсан “Тэрбум мод үндэсний хөдөлгөөн”, “Дундговио ногооруулъя” хөтөлбөрийн хүрээнд "Дундговио ногооруулъя" үзэсгэлэн худалдааг 2 дахь жилдээ "Мандал худалдааны төв"-ийн гадна талбайд 05 дугаар сарын 11, 12-ны өдрүүдэд зохион байгууллаа.

НӨХӨН ТАРИЛТ ХИЙЖ БАЙНА

2023-05-16

Цагдаагийн постоос Шаргын хөшөө чиглэлийн улсын чанартай авто зам дагуу таригдсан ногоон байгууламжийн нөхөн тарилтыг хийнэ. Нөхөн тарилтын ажилд Байгаль орчин, аялал жуулчлалын газар, Сайнцагаан сумын Засаг даргын тамгын газраас хяналт тавьж, Хөдөлмөр, халамжийн үйлчилгээний газрын "Ногоон ажлын байр" хөтөлбөрөөс 10 хүн түр ажлын байраар хангагдан ажиллаж байна. Нийт 15000 мод тарихаас одоогоор 5000 ширхэг мод тариад байна.

ЗАМ ДАГУУ МОДНЫ УСАЛГААГ НЭГДСЭН БАЙДЛААР ХИЙНЭ

2023-05-16

2021 оноос эхлэн улсын чанартай зам дагуу ногоон байгууламж бий болгох ажилд 72 ААНБайгууллагын 1947 албан хаагч, ажилчид 17000 ширхэг мод тарьж оролцож байв. Цаашид зам дагуу тарьсан модны усалгааг нэгдсэн байдлаар Хот тохижуулах газраас хийх болно.

ЗАМ ДАГУУ НОГООН БАЙГУУЛАМЖИЙН ХАШААГ ШИНЭЧЛЭВ

2023-05-15

Улсын чанартай авто зам дагуу 2021 оноос эхлэн аймгийн аж ахуйн нэгж байгууллагуудтай хамтран мод тарьж, ногоон байгууламжийг нэмэгдүүлсэн. Тус ногоон байгууламжийн хашааг шинэчлэх ажлыг "Дундговио ногооруулъя" хөтөлбөрөөс санхүүжүүлэн аймгаас гарах Цагдаагийн постоос Шаргын хөшөө хүртэл нийт 10046 метр хашаажуулах ажлыг Байгаль орчин, аялал жуулчлалын газар, Сайнцагаан сумын Засаг даргын тамгын газар, Хот тохижуулах газар болон "Ногоон ажлын байр" хөтөлбөрийн хүрээнд түр ажлын байраар хангагдсан 10 хүн хийж гүйцэтгэв.

ТАЛБАЙН СУРГАЛТ ЗОХИОН БАЙГУУЛЛАА

2023-05-12

Сайнцагаан сумын "Хүмүүнлэг" сургуулийн биологийн сонгоны анги болон эко клубын сурагчид, "Политехникийн коллеж"-ийн ойн инженерийн ангийн багш оюутнуудад нийт 30 хүнд Сум дундын ойн ангийн Мод үржүүлгийн талбайд модыг мөчрөөр тарих сургалт, дадлага ажлыг зохион байгууллаа.

Сүүлд нэмэгдсэн

Сүүлд нэмэгдсэн